سلمان خان کے فینز کے لیے خوشخبری ہے کہ ان کی آنے والی فلم "سکندر" میں دو شاندار تہواروں، عید اور ہولی کے گانے شامل کیے گئے ہیں۔
ذرائع کے مطابق، عید کا گانا قوالی ہوگا جبکہ ہولی کا گانا رومانوی ڈانس نمبر پر مبنی ہوگا۔
فلم "سکندر" کو 2025 کی عید پر ریلیز کرنے کا منصوبہ بنایا گیا ہے، اور پروڈیوسرز نے فلم کو ایک یادگار میوزک البم کے ذریعے خاص بنانے کا عزم کیا ہے۔
رپورٹ کے مطابق سلمان خان اور رشمیکا مندنا نے حال ہی میں ان گانوں کی شوٹنگ مکمل کی ہے۔
ایک قریبی ذریعہ نے بتایا: "یہ گانے فوری طور پر چارٹ بسٹرز بننے والے ہیں کیونکہ سیٹ پر ہر کوئی شوٹنگ کے دوران جھوم رہا تھا۔ سلمان کا ماننا ہے کہ یہ کمپوزیشنز پریمیم میوزک ڈائریکٹر پریتم کے بہترین کاموں میں سے ایک ہیں۔"
"سکندر" میں سلمان خان اور رشمیکا مندنا کے علاوہ کاجل اگروال، پراتیک ببر، اور دیگر مشہور فنکار شامل ہیں۔ فلم کی ہدایتکاری اے آر مروگادوس کر رہے ہیں اور اسے ساجد ناڈیاڈ والا پروڈیوس کر رہے ہیں۔ رپورٹ کے مطابق، فلم کے ایکشن مناظر میں نئی جدت اور زبردست بصری اثرات دیکھنے کو ملیں گے۔