جکارتہ: فیفا ورلڈکپ 2026 کے کوالیفائر میچ میں انڈونیشیا نے سعودی عرب کو دو گول سے اپ سیٹ شکست دے دی۔
جکارتہ کے اسٹیڈیم میں فیفا ورلڈکپ 2026 کے ایشیئن کوالیفائر کے گروپ سی کا میچ ہوا جس میں انڈونیشیا اور سعودی عرب کی ٹیمیں میدان میں آئیں۔
انڈونیشیا کی ٹیم پہلے منٹ سے ہی کھیل میں ان اور سعودی کھلاڑیوں پر حاوی رہی، پہلے ہاف کے 32ویں منٹ میں مارسیلینو نے گول کر کے انڈونیشیا کو برتری دلوائی۔
بعد ازاں میچ کے 57ویں منٹ میں بھی دوسرا گول مارسیلینو نے کیا اور یوں انڈونیشیا کو 0-2 کی برتری حاصل ہوگئی جو میچ کے اختتام تک برقرار رہی۔ سعودی ٹیم کے کھلاڑیوں نے متعدد بار گول کی کوشش کی مگر انہیں کامیابی نہیں مل سکی۔
سعودی عرب کو اپ سیٹ شکست دینے کے بعد گروپ سی میں انڈونیشین ٹیم کی پوزیشن تیسری اور ورلڈکپ میں کوالیفائی کی راہ بھی ہموار ہوگئی ہے۔