دلجیت دوسانجھ کی کنسرٹ کے دوران فری شو دیکھنے والوں سے مذاق کی ویڈیو وائرل

پنجابی گلوکار اور بین الاقوامی شہرت یافتہ دلجیت دوسانجھ کا حالیہ احمد آباد کنسرٹ خبروں کی زینت بن گیا ہے۔ 

کنسرٹ کے دوران جب گلوکار نے ایک ہوٹل کی بالکونی میں بغیر ٹکٹ کے شو دیکھنے والے ناظرین کو مخاطب کیا، تو یہ لمحہ سوشل میڈیا پر وائرل ہو گیا۔

کنسرٹ کے دوران دلجیت نے اچانک شو روک کر بالکونی میں کھڑے لوگوں سے کہا، "یہ جو ہوٹل کی بالکونی میں بیٹھے ہیں، آپ کا تو بڑا اچھا بھی ہوا۔ یہ ہوٹل والے گیم کر گئے۔ بغیر ٹکٹ، ہاں؟" ویڈیو میں کیمرہ بالکونی کی جانب گھومتا ہے جہاں لوگ گانے سے لطف اندوز ہو رہے ہیں۔