وزیراعلیٰ خیبر پختونخوا علی امین خان گنڈا پور نے موجودہ سیاسی صورتحال پر اپنے بیان میں کہا کہ انشاءاللہ بانی پی ٹی آئی کو رہا اور اپنے مطالبات منوا کر ہی دم لیں گے۔
انہوں نے اپنے بیان میں کہا کہ ہم سب کے لیے تحریک انصاف کا نعرہ "اب نہیں تو کھبی نہیں، ہم نہیں تو کون" کو ثابت کرنے کا وقت آچکا ہے اب قوم نے فیصلہ کرنا ہے کہ وہ ظلم کے نظام کا مقابلہ کریں گے اور انصاف لیں گے یا پھر غلامی قبول کریں گے۔
علی امین گنڈاپور نے کہا کہ بانی چیئرمین ہماری اور ہماری نسلوں کی جنگ لڑ رہا ہے اور ہم انہیں مایوس نہیں کریں گے، مذاکرات بھی بانی چیئرمین کی رہائی سے شروع ہوں گے اور آگے بڑھیں گے۔
وزیر اعلیٰ کے پی نے اپنے بیان میں کہا کہ تحریک انصاف کا نظریہ ہمارا جنون ہے اور جنون کبھی مرتا نہیں بلکہ بڑھتا ہے۔