کراچی:
دفاعی نمائش آئیڈیاز 2024 کے تسلسل میں سی ویو پر شہریوں کیلیے آج کراچی شو کا انعقاد کیا جائیگا۔
تینوں مسلح افواج اپنے جنگی اثاثوں کے ساتھ شریک ہونگی، پاک بحریہ کے سی کنگ ہیلی کاپٹرزکے علاوہ پاک فضائیہ کے جنگی ہوائی جہازوں کا فلائی پاسٹ بھی ہوگا۔
نشان پاکستان،سی ویو پرآج سہ پہر ٹرائی سروسز کراچی شو کا انعقاد کیا جائیگا، جس میں پاک بحریہ کے ہوائی اوربحری اثاثوں کے علاوہ ایس ایس جی کمانڈوز ہزاروں فٹ کی بلندی سے جمپ لگانے کا شاندارمظاہرہ پیش کرینگے۔
تقریب کے مہمان خصوصی وزیراعلیٰ سندھ ہونگے،تینوں مسلح افواج کے پیشہ ورانہ تربیت کودیکھنے کے لیے مختلف ممالک کے سفیر،مندوب ومبصرین بھی شریک ہونگے۔
کراچی شومیں پاک فضائیہ کے جے ایف سیونٹین تھنڈراورایف سولہ طیاروں کا فلائی پاسٹ ہوگا جبکہ انسداد دہشت گردی آپریشن کے علاوہ پاک بحریہ کے فضائی بیڑے میں شامل سی کنگ ہیلی کاپٹرز کے ذریعے پیشہ ورانہ تربیت کا عملی مظاہرہ پیش کیا جائیگا۔
پاک بحریہ کے پیراٹروپرز مختلف ممالک کے جھنڈوں جبکہ سبزہلالی پرچم کے ساتھ ہزاروں فٹ کی بلندی سے سی ویو پر جمپ کرینگے۔
ساحل پرمنعقدہ کراچی شو آئیڈیاز کے تسلسل میں شہریوں کے لیے منعقد کیا جا رہا ہے۔