پاکستان شوبز کی اداکارہ، ماڈل اور میزبان متھیرا نے اپنی نازیبا ویڈیوز سے متعلق نیا انکشاف کیا ہے۔
حال ہی میں متھیرا ایک نجی ٹی وی کے پروگرام میں شریک ہوئیں جہاں انہوں نے شوبز اور نجی زندگی سے جڑے کئی موضوعات پر گفتگو کی۔ متھیرا سے میزبان نے نازیبا ویڈیوز کے لیک ہونے سے متعلق سوال کیا جس پر اداکارہ تفصیل سے بتایا کہ ان کی ویڈیوز کس نے بنائی اور کیسے لیک ہوئیں۔
متھیرا کا کہنا تھا کہ یہ 2021 کی بات ہے جب ان کی نازیبا ویڈیوز منظر عام پر آئیں جو کہ جھنگ کے کسی آدمی نے ایڈٹ کر بنائی اور اسے 2 ہزار روپے کے اوسط فروخت کرتا رہا جس سے یہ ویڈیوز وائرل ہوئیں۔
متھیرا نے بتایا کہ جب سوشل میڈیا پیجز نے ان ویڈیوز پر خبریں لگائیں تو متھیرا نے ان سے بھی جھگڑا کیا کہ کسی کی ذاتی ویڈیو یا تصویر خبر نہیں ہوتی۔
اداکارہ نے بتایا کہ انہوں نے فوری ایکشن لیتے ہوئے سائبر کرائم سے بھی رابطہ کیا جس کے بعد جھنگ کے مذکورہ شخص کی تفصیلات سامنے آئیں اور اس کے خلاف کارروائی کی گئی۔
متھیرا کا کہنا تھا کہ وہ شخص دیگر لڑکیوں کی بھی نازیبا ویڈیوز فروخت کرتا تھا جو وہ نہیں جانتی کہ اصل ویڈیوز تھیں یا پھر فیک بنائی گئی تھیں تاہم لڑکیوں کیلئے یہ وقت بہت مشکل ہوتا ہے۔ اداکارہ کا کہنا تھا کہ وہ اس چیز سے اس لئے آسانی سے نمٹ سکیں کیونکہ ان کا بیک گراؤنڈ مضبوط ہیں اور ان کے گھر والے اور دوست انہیں سپورٹ کرتے ہیں۔
متھیرا کے مطابق جب کسی لڑکی کے ساتھ ایسا کوئی واقعہ ہوتا ہے تو اسکی وجہ سے انکی زندگی شدید متاثر ہوتی ہے اور وہ گرتی چلی جاتی ہیں۔
یاد رہے کہ اب سے کچھ دن قبل بھی متھیرا کی نجی ویڈیوز سوشل میڈیا پر وائرل ہوئی تھیں جس پر اداکارہ نے ردعمل دیتے ہوئے انہیں ڈیپ فیک ویڈیوز قرار دیا تھا جو اے آئی کی مدد سے بنائی گئیں تھیں کیونکہ اداکارہ کے جسم پر کئی ٹیٹوز موجود تھے مگر وائرل ویڈیوز میں کوئی ٹیٹو نہیں تھا۔