پی ٹی آئی کا احتجاج؛ پنجاب پولیس کے 19000 اہلکار اسلام آباد پہنچ گئے
پنجاب سے 105 سے زائد قیدی وینز بھی اسلام آباد پہنچا دی گئیں
اسلام آباد انتظامیہ کی جانب سے پی ٹی آئی احتجاج سے نمٹنے کی تیاریاں جاری ہیں۔ پنجاب پولیس کے 19000 افسر و جوان اسلام آباد پہنچ گئے۔
ذرائع کے مطابق پنجاب سے اسلام آباد پہنچنے والے پولیس اہلکاروں میں ایلیٹ فورس کے تربیت یافتہ 4000 کمانڈوز اور 2000 لیڈی کمانڈوز بھی شامل ہیں۔
پنجاب پولیس کی 105 قیدی وینز بھی اسلام آباد پہنچا دی گئیں۔ اسلام آباد پولیس کی جانب سے پنجاب، سندھ اور کشمیر سے پولیس نفری مانگی گئی تھی۔ اسلام آباد پولیس نے ایف سی اور رینجرز سے بھی اضافی نفری طلب کی تھی۔ شہر کے داخلی اور خارجی راستوں پر درجنوں کنٹینرز پہنچا دئیے گئے ہیں اور وفاقی پولیس کے اہلکاروں اور افسرو ں کی چھٹیاں منسوخ کردی گئی ہیں۔