عمران خان کی 9 مئی مقدمات میں ضمانتوں کی جلد سماعت کی درخواست پر فیصلہ محفوظ
فوجداری مقدمات میں جلد سماعت کی درخواست دائر نہیں ہو سکتی، پراسیکیوٹر کے مخالفت میں دلائل
پی ٹی آئی وفد کو آج صبح 8 بجے بانی سے ملاقات کا وقت دیا گیا تھا
لاہور:
عمران خان کی 9 مئی مقدمات میں ضمانتوں کی جلد سماعت کی درخواست پر عدالت نے فیصلہ محفوظ کرلیا۔
انسداد دہشت گردی عدالت لاہور میں بانی پی ٹی آئی عمران خان کی 9مئی کے 8 مقدمات میں ضمانتوں کی جلد سماعت کے لیے درخواست پر سماعت ہوئی، جس میں عدالت نے عمران خان کی ضمانتوں کی جلد سماعت کی درخواست پر فیصلہ محفوظ کر لیا ۔
واضح رہے کہ بانی پی ٹی آئی عمران خان کے وکلا نے ضمانتوں کی درخواستیں جلد سماعت کےلیے مقرر کرنے کی استدعا کی ، جس پر پراسیکیوٹر نے جلد سماعت کی درخواستوں کی مخالفت کی ۔
پراسیکیوٹر نے عدالت میں مؤقف اختیار کیا کہ فوجداری مقدمات میں جلد سماعت کی درخواست دائر نہیں ہو سکتی۔
بعد ازاں انسداد دہشت گردی عدالت نے ضمانتوں کی جلد سماعت کی درخواست پر فیصلہ محفوظ کرلیا۔