قومی کرکٹ ٹیم کے کپتان محمد رضوان نے زمبابوے خلاف ون ڈے سیریز کے آغاز سے قبل کھلاڑیوں کو جوش دلانا شروع کردیا۔
دونوں ٹیموں کے درمیان سیریز کا پہلا ون ڈے میچ کل (اتوار) سے شروع ہوگا، میچ پاکستانی وقت کے مطابق صبح ساڑھے 12 شروع ہوگا۔
زمبابوے سیریز میں پاکستان نے تین اہم کرکٹرز بابراعظم، شاہین شاہ آفریدی اور نسیم کو آرام دیا ہے جبکہ انکی جگہ نوجوان کھلاڑیوں کو موقع دیا گیا ہے۔
پی سی بی کی جانب سے جاری کردہ ویڈیو میں دیکھا جاسکتا ہے کہ کپتان محمد رضوان کھلاڑیوں اور معاون عملے کیساتھ پرجوش گفتگو کررہے ہیں جبکہ فیلڈنگ ڈرلز میں بھی حصہ لے رہے ہیں۔
مزید پڑھیں: زمبابوے نے پاکستان کیخلاف ون ڈے اور ٹی20 اسکواڈز کا اعلان کردیا
چیمپئینز ٹرافی سے قبل پاکستان کو زمبابوے کے خلاف سیریز سے قبل اپنے نوجوان کرکٹرز کو آزمانے کا موقع ملا ہے تاکہ پلئیرز کی خوبیوں اور خامی کو جانچا جاسکے۔