شہر کے مختلف علاقوں میں فائرنگ کے واقعات میں دو افراد زخمی ہوگئے۔
تفصیلات کے مطابق عائشہ منزل کے قریب فائرنگ کے واقعہ میں ایک شخص زخمی ہوگیا جسے طبی امداد کے لیے عباسی شہید اسپتال لیجایا گیا۔
ریسکیو حکام کا کہنا ہے کہ مضروب کی شناخت 40 سالہ انیس کے نام سے کی گئی جبکہ ایک گولی اسے کندھے پر لگی تھی۔
فائرنگ کا دوسرا واقعہ بنارس الوطن ہوٹل کے قریب پیش آیا جس میں 30 سالہ اختر خان شدید زخمی ہوگیا۔
ریسکیو حکام کا کہنا تھا کہ مضروب کو پیٹ پر گولی لگی تھی جبکہ فائرنگ کے دونوں واقعات نامعلوم سمت سے آنے والی گولیاں لگنے سے پیش آنے کا بتایا جا رہا ہے۔
تاہم، متعلقہ تھانوں کی پولیس واقعات کی مزید تحقیقات کر رہی ہے ۔