ویرات کوہلی نے سچن ٹنڈولکر اور ڈان بریڈ مین کے ریکارڈ توڑ کر تاریخ رقم کردی

اس سے قبل سچن ٹنڈولکر آسٹریلیا میں 6 ٹیسٹ سنچریاں بناکر سب سے زیادہ ٹیسٹ سنچریاں بنانے والے بھارتی بلے باز تھے۔

سچن ٹنڈولکر نے یہ کارنامہ 20 میچز کھیل کر انجام دیا تھا جبکہ ویرات کوہلی نے صرف 14 میچوں میں 7 سنچریاں بنائی ہیں۔

علاوہ ازیں ویرات کوہلی نے اپنی 30 ٹیسٹ سنچری بناکر کرکٹ کی تاریخ کے عظیم ترین آسٹریلوی بیٹسمین سر ڈان بریڈمین کو بھی پیچھے چھوڑ دیا، ڈان بریڈ مین نے ٹیسٹ کرکٹ میں 29 سنچریاں بنائی تھیں۔

واضح رہے کہ سچن ٹنڈولکر ٹیسٹ کرکٹ میں 51 سنچریوں کے ساتھ سر فہرست ہیں، جنوبی افریقا کے جیک کیلس 45 ٹیسٹ سنچریوں کے ساتھ دوسرے، رکی پونٹنگ 41 سنچریوں کے ساتھ تیسرے نمبر پر ہیں۔