کراچی؛ کورنگی ویٹا چورنگی کے قریب مبینہ پولیس مقابلہ، ایک ڈاکو ہلاک دوسرا زخمی حالت میں گرفتار

کورنگی انڈسٹریل ایریا پولیس نے کورنگی ویٹا چورنگی وی آئی پی ہوٹل کے قریب مبینہ پولیس مقابلے میں ایک ڈاکو کو ہلاک جبکہ اس کے ساتھی کو زخمی حالت میں گرفتار کرلیا۔

پولیس نے ڈاکوؤں کے قبضے سے دو ٹی ٹی پستول، دو موبائل فون اور نقد رقم برآمدکرلی جبکہ زخمی گرفتار ڈاکو کو طبی امداد کے لیے اسپتال منتقل کیاگیا۔

ایس ایس پی کورنگی کامران خان کا کہنا ہے کہ ڈاکوؤں شہریوں سے لوٹ مار میں ملوث تھے جن کا کرمنل ریکارڈ بھی موجود ہے ڈاکوؤں کا چار رکنی گینگ ہے جو دو موٹر سائیکلوں پر وارداتیں کرتا تھا۔

ایس ایچ او عامر کے مطابق ملزمان مذکورہ مقام پر شہری سے لوٹ مار میں مصروف تھے کہ موٹر سائیکل گشت ملازمان فوری موقع پر پہنچے اور پولیس کو دیکھتے ہی موٹر سائیکل سوار ڈکیتوں نے پولیس پارٹی پر فائرنگ کی۔

پولیس کی جوابی فائرنگ سے دونوں ملزمان زخمی حالت میں گرفتار ہوئے جنہیں اسپتال منتقل کیا گیا ایک زخمی ملزم کی شناخت امام بخش کے نام سے ہوئی جبکہ شدید زخمی ملزم اسپتال میں دم توڑ گیا جس کی شناخت نہیں ہوسکی۔