کراچی:
داؤد چورنگی پل پر مال بردار ٹرک گاڑی پر اُلٹ گیا جس کے باعث گاڑی مکمل تباہ ہوگئی تاہم گاڑی میں سوار شخص معجزانہ طور پر محفوظ رہا۔
حادثہ شاہ لطیف ٹاؤن تھانے کی حدود میں قائد آباد سے داؤد چورنگی کی جانب جانے والی سڑک پر پیش آیا جس کے باعث داؤد چورنگی روڈ پر ٹریفک کی روانی معطل ہوگئی۔
پولیس کے مطابق حادثہ ٹرک کے بریک فیل ہونے کے باعث پیش آیا، سڑک سے ٹرک کو ہٹا کر ٹریفک بحال کرادی گئی ہے۔
حادثے میں معجزانہ طورپرمحفوظ رہنے والے شخص کی شناخت علی کے نام سے کی گئی جو علاقے کا معروف ڈاکٹر بتایا جاتا ہے۔