روحانی دوست

 صائم المصطفے صائم 
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ:
دو طریقے ہیں اور دونوں طریقوں کے نمبر اہم ہیں۔
اول تاریخ پیدائش دوم نام سے!
اول طریقہ تاریخ پیدائش:
مثلاً احسن کی تاریخ پیدائش 12۔7۔1990 ہے۔
 ان تمام اعداد کو مفرد کیجیے، یعنی باہم جمع کیجیے:
1+2+7+1+9+9=29
29 کو بھی باہم جمع کریں (2+9) تو جواب 11 آئے گا۔
11 کو مزید باہم جمع کریں (1+1)
تو جواب 2 آیا یعنی اس وقت تک اعداد کو باہم جمع کرنا ہے جب تک حاصل شدہ عدد مفرد نہ نکل آئے۔ پس یعنی آپ کا لائف پاتھ عدد/نمبر ہے۔ 
گویا تاریخ پیدائش سے احسن کا نمبر 2 نکلا۔
اور طریقہ دوم میں:
سائل، سائل کی والدہ، اور سائل کے والد ان کے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''
حروفِ ابجد کے نمبرز کی ترتیب یوں ہے:
1 کے حروف (ا،ء ،ی،ق،غ)  ، 2 کے حروف (ب،ک،ر)  ،  3 کے حروف (ج،ل،ش) ، 4 کے حروف (د،م،ت)  ،  5 کے حروف(ہ،ن،ث)  ، 6 کے حروف (و،س،خ) ، 7 کے حروف (ز،ع،ذ)  ، 8 کے حروف (ح،ف،ض)  ، 9 کے حروف (ط،ص،ظ) ، احسن کے نمبر (1،8،6،5)
 تمام نمبروں کو مفرد کردیں:(1+8+6+5=20=2+0= 2 ) 
گویا احسن کا نمبر2 ہے۔ایسے ہی احسن کی والدہ ''شمسہ'' کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا:
(2+9+1=12=1+2=3)  
گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ
  پیر 25 نومبر تا یکم دسمبر 2024
پیر25 نومبر 2024
آج کا حاکم عدد1ہے۔ کسی کام کی ابتدا کے لیے کوشش نہ کریں، اسکینڈلز، بدنامی اور الزامات لگ سکتے ہیں۔ 5 کی حالت خراب ہے سفر ، نیا معاہدہ یا باہمی وہ امور جو بگڑے ہیں کو درست کرنے کی کوشش ناکام ہوسکتی ہے۔ آج پیدا ہونے والے بچوں کا نام ح یا ف سے رکھا جائے تو بہتر ہے۔ آپ کی تاریخ پیدائش میں اگر 1،2،4،5 اور9خصوصاً 5 کا عدد یا پیدائش کا دن بدھ ہے یا نام کا پہلا حرف ہ،ن یا ث ہے تو آج کا دن آپ کے لیے بہتر دن ہوسکتا ہے۔ لیکن اگر آپ کی تاریخ پیدائش میں 3،7 اور8 خصوصاً 3 کا عدد یا پیدائش کا دن جمعرات ہے یا نام کا پہلا حرف ج،ل یا ش ہے  تو آپ کے لیے اہم اور کچھ مشکل بھی ہوسکتا ہے۔ آج کا صدقہ: کسی کی غلطی معاف کرنا بھی صدقہ ہے۔ 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔ آج کا وردِخاص، ’’یارحیم، یارحمٰن، یااللّہ‘‘ 11 بار، اول وآخر ایک بار درودشریف پڑھنا بہتر ہوگا۔ اسے کم از کم 11 بار لکھیں پھر اثرات ملاحظہ کیجیے!

منگل 26 نومبر 2024
آج کا حاکم عدد 9 ہے۔ آپ کوشش کریں کہ خود کو پُرسکون رکھ سکیں، پرانے معاملات خراب ہوسکتے ہیں یا جذباتی صدمہ ہوسکتا ہے۔ سفر سے گریز کریں، جارحانہ مزاج سے بچیں۔ آج پیدا ہونے والے بچوں کا نام ص یا ط سے رکھا جائے تو بہتر ہے۔ اگر آپ کی تاریخ پیدائش میں  1،2،3،5،6 اور7 خصوصاً 6  کا عدد ہے یا آپ کی پیدائش کا دن جمعہ ہے یا نام کا پہلا حرف و،س یا خ ہے تو آپ کے لیے آج کا دن کافی حد تک بہتری لائے گا۔ لیکن اگر آپ کی تاریخ پیدائش میں 4،8 اور9 خصوصاً 8 یا پیدائش کا دن ہفتہ ہے یا نام کا پہلا حرف ح،ف یا ض ہے تو آپ  کے لئے کچھ مشکل ہوسکتی ہے۔ آج کا صدقہ: صبروتحمل کو مضبوطی سے تھامیں۔ آپ کی آزمائش کا دن ہے۔ غصہ پی جائیں، یہ بہترین صدقہ اور تدبیر ہے۔  90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔ آج کا وردِخاص، ’’یاغفار، یاستار، استغفراللّہ العظیم‘‘ 13 بار اول وآخر1 بار درودشریف پڑھنا بہتر ہوگا۔ اسے 13 بار لکھنے سے نتائج سو فی صد آپ کے حق میں ہوں گے!

بدھ27 نومبر 2024
آج کا حاکم عدد 6 ہے۔ اچھی خبر مل سکتی ہے ٹھنڈی ہوا کا جھونکا آسکتا ہے، لیکن نئے مزاج کی گھٹن بھی فضا میں موجود ہے تعلقات میں الجھاؤ موجود رہ سکتا ہے۔ آج کے دن پیدا ہونے والے بچوں کا نام و یا س سے رکھا جائے تو بہتر ہے۔ 1،4،5،6،8اور9 خصوصاً 9 کا عدد یا پیدائش کا دن منگل ہے یا نام کا پہلا حرف ص،ط یا ظ ہے تو آپ  کے لیے آج دن کافی بہتر ہوسکتا ہے۔ لیکن اگر آپ کی تاریخ پیدائش میں  2،3 اور7 خصوصاً 2  یا پیدائش کا دن پیر یا نام کا پہلا حرف ب،ک یار ہے تو  کچھ معاملات میں رکاوٹ اور پریشانی کا اندیشہ ہے۔ آج کا صدقہ: ہوسکتا ہے کوئی آپ سے اپنی غلطی پر معذرت خواہ ہو ایسا ہو تو درگزر سے کام لینا بھی صدقہ ہے۔  زردرنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے۔ تایا، چاچا، پھوپھی کی خدمت بھی صدقہ ہے۔ آج کا وردِخاص،’’یاخبیرُ،یاوکیلُ، یااللّہ‘‘ 5 بار اول و آخر 1 باردرود شریف پڑھنا مناسب عمل ہوگا۔ ان اسمائے الٰہیہ کو 5 بار لکھنا آپ کے لیے سعادتوں کے سو فی صد دروازے کھول دے گا۔

جمعرات 28 نومبر 2024
آج کا حاکم عدد 5 ہے۔  5کا عدد حاکم ہونے کا مطلب ہے سوشل میڈیا اور خبروں کے چینلز کا کاروبار چمکے گا۔ 8 اور 5 کا عدد فساد اور حادثوں کا نمائندہ ہے۔ اپنا بہت سا خیال رکھیں اور ایسی جگہوں سے دور رہیں جہاں تناؤ موجود ہے۔ آج کے دن پیدا ہونے والے بچوں کا نام ہ یا ن سے رکھا جائے تو بہتر ہے۔ اگر آپ کی تاریخ پیدائش میں  1،2،5،6،7 اور9  خصوصاً1 کا عدد یا پیدائش کا دن جمعہ ہے یا نام کا پہلا حرف ا،ی یا غ ہے تو آپ کے لیے بہتر دن ہے۔ لیکن اگر آپ کی تاریخ پیدائش میں 3،4 اور8 خصوصاً 8 کا عدد  یا پیدائش کا دن ہفتہ ہے یا نام کا پہلا حرف ح،ف یا ض ہے تو اندیشہ ہے کہ کچھ امور میں آپ  کو مشکل ہوسکتی ہے۔آج کا صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے۔ مسجد کے پیش امام کی خدمت بھی احسن صدقہ ہے۔ آج کا وردِخاص، سورۂ فاتحہ کی تین  بار تلاوت یا ’’یاقدوس، یاوھابُ، یااللّہ‘‘ 3 بار اول و آخر 1 بار درودشریف پڑھنا بہتر عمل ہوگا۔ ان پاک ناموں کو تین بار لکھیں!

جمعہ 29 نومبر  2024
آج کا حاکم عدد 9 ہے۔ انفرادی اور اجتماعی مزاجوں میں اشتعال اور ذہنی الجھن نمایاں نظر آسکتی ہے۔ برداشت کے پیمانے لبریز ہوسکتے ہیں۔ امنِ عالم کے لیے سرخ رنگ کا ستارہ افلاک میں خراب ہوچکا ہے۔ خیر کی دعا کیجیے۔ آج پیدا ہونے والے بچوں کے نام ہ یا ن سے رکھیں تو بہتر ہے۔  اگر آپ کی تاریخ پیدائش میں 1،2،3،5،6 اور7خصوصاً 6 کا عدد یا پیدائش کا دن جمعہ ہے یا نام کا پہلا حرف و،س یا خ ہے تو آپ کے لئے بہتری کی امید ہے۔ لیکن اگر آپ کی تاریخ پیدائش  4،8 اور9 کا عدد خصوصاً 8 یا پیدائشی دن ہفتہ یا جن کے نام کا پہلا حرف ح،ف یا ض ہے تو آپ کو محتاط رہنے کا مشورہ ہے۔ آج کا صدقہ: کسی سے میٹھے بول اور نرم لہجہ بھی صدقہ ہے۔ 60 یا 600 روپے یا 600 گرام یا6 کلو چینی، سوجی یا کوئی جنس کسی بیوہ کو دینا بہترین عمل ہوسکتا ہے۔ آج کا وردِخاص، سورۂ کہف ایک بار  اور ’’یاودود، یامعید، یااللّہ‘‘  11 بار ورد کرنا بہتر ہوگا۔ اول و آخر ایک بار درودشریف لازم پڑھ لیں ان اسمائے الٰہی کو تین بار لکھیں!

ہفتہ 30 نومبر 2024
آج کا حاکم عدد 3 ہے۔ زمین یا پلاٹ کی خریدوفروخت میں معاہدے قریب پہنچ کے معطل ہوسکتے ہیں۔ حالات میں عجیب تناؤ کی وجہ سے کسی بھی قسم کا فیصلہ کرنا مشکل ہوسکتا ہے، کچھ روز صبر سے کام لیں تو اچھا ہے۔ آج کے دن پیدا ہونے والے بچوں کے نام ح یا ف سے رکھیں تو بہتر ہے۔ اگر آپ کی تاریخ پیدائش میں 2،3،4،7،8 اور9 خصوصاً 3 کا عدد  یا پیدائشی دن جمعرات یا نام کا پہلا حرف ج،ل یا ش ہے تو آپ کے لیے ایک اچھا دن ہوسکتا ہے۔ لیکن اگر آپ کی تاریخ پیدائش میں 1،5 اور6 خصوصاً 5 کا عدد یا پیدائشی دن  بدھ یا نام کا پہلا حرف ہ،ن یا ث ہے تو آپ کو محتاط رہنے کا مشورہ ہے۔ آج کا صدقہ: صبر اور خاموشی بہترین تدبیر ہے۔ لمبے عرصے کی منصوبہ بندی کے لیے سازگار وقت ہے۔  80 یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمر رسیدہ مستحق فرد کو دینا بہتر عمل ہوسکتا ہے۔ آج کا وردِخاص، کمی رزق کی ہو، سکون کی ہو یا راحتوں کی ہو اس ورد خاص کو اپنالیں ان شاء اللّہ بند دروزاے کھل جائیں گے،’’یافتاح، یاوھابُ، یارزاق، یااللّہ‘‘  8 بار اول و آخر 1 بار درودشریف کا ورد بہتر عمل ہوگا تین لکھنا اس کے فوائد کو کئی گنا بڑھادے گا۔

اتوار یکم دسمبر 2024
آج کا حاکم عدد 4 ہے۔ کسی مسندنشین کو اپنی کابینہ میں تبدیلی کرنا پڑسکتی ہے یا تختِ نشین کے لیے خرابی ہوسکتی ہے۔ صحت اور جان کی جانب سرخ رنگ کا تیر لپک سکتا ہے۔  آج کے دن پیدا ہونے والے بچوں کے نام ص یا ط سے رکھیں تو بہتر ہے۔ اگر آپ کی تاریخ پیدائش میں 1،2،3،6،7 اور8 خصوصاً 2 کا عدد یا جن کا پیدائشی دن پیر ہے یا نام کا پہلا ب،ک یا ر ہے تو آپ کے لئے ایک اچھے دن کی امید ہے۔ لیکن اگر آپ کی تاریخ پیدائش میں  4،5 اور9 خصوصاً 9 عدد یا جن کا پیدائشی دن منگل ہے یا نام کا پہلا حرف ص،ط یا ظ ہے تو   آپ کے لیے کچھ مشکل ہوسکتی ہے۔ آج کا صدقہ، 13یا 100 روپے یا سنہری رنگ کی چیزیں گندم، پھل، کپڑے، کتابیں یا کسی  باپ کی عمر کے فرد کی خدمت کرنا بہتر ہوگا۔ آج کا وردِخاص،’’یاحی، یاقیوم، یااللّہ‘‘ 13بار  اول و آخر 1بار درودشریف پڑھنا مناسب عمل ہوگا۔ اسے 13 بار لکھنا بہتر ہوگا۔