کراچی: فائرنگ کے واقعے میں نوجوان زخمی
مضروب کی شناخت 23 سالہ جمشید کے نام سے کی گئی
(فوٹو: فائل)
کراچی کے علاقے بلدیہ گلشن مزدور لال مسجد کے قریب فائرنگ سے نوجوان زخمی ہوگیا جسے چھیپا کے رضا کاروں نے فوری طبی امداد کے لیے سول اسپتال منتقل کیا۔
ریسکیو حکام کا کہنا ہے کہ مضروب کی شناخت 23 سالہ جمشید کے نام سے کی گئی جسے دونوں ٹانگوں پر گولیاں لگی تھیں جبکہ واقعہ ڈکیتی کے دوران مزاحمت پر پیش آنے کا بتایا جا رہا ہے۔
اس حوالے سے سعید آباد پولیس کا کہنا ہے کہ فائرنگ کا واقعہ ذاتی جھگڑے کے دوران پیش آیا ہے جس کی مزید تحقیقات کی جا رہی ہے۔