ڈیفنس فیز سیون کے مکان میں اچانک آگ بھڑک اٹھی جس پر دو گھنٹے بعد قابو پالیا گیا۔
تفصیلات کے مطابق ڈیفینس فیز 7 خیابان رضوان میں واقع ایک مکان میں اچانک آگ بھڑک اٹھی جس نے دیکھتے ہی دیکھتے دو کمروں کو اپنی لپیٹ میں لے لیا۔
فائر بریگیڈ کی تین گاڑیوں نے دو گھنٹے کی محنت کے بعد آگ پر قابو پالیا۔
فائر فائٹرز کا کہنا ہے کہ آگ لگنے کی وجوہات معلوم نہیں ہوسکی ہیں البتہ گھر میں پانچ افراد مقیم تھے جنہیں بحفاظت نکال لیا گیا ہے۔