کراچی کے علاقے سپر ہائی وے جنجال گوٹھ کے قریب دو موٹر سائیکلوں کے درمیان تصادم میں ایک نوجوان ہلاک جبکہ 5 افراد شدید زخمی ہوگئے۔
سپر ہائی وے جنجال گوٹھ کے قریب 2 موٹر سائیکلوں کے درمیان تصادم میں 6 افراد شدید زخمی ہوگئے جنھیں فوری طبی امداد کے لیے عباسی شہید اسپتال منتقل کیا گیا جہاں ایک نوجوان دوران علاج زخموں کی تاب نہ لاتے ہوئے دم توڑ گیا جس کی شناخت 18 سالہ راجو ولد تلسی کے نام سے کی گئی۔
ریسکیو حکام کا کہنا ہے کہ شدید زخمی ہونے والے 5 افراد کی شناخت 15 سالہ ساگر، 18 سالہ اجے، 15 سالہ کرن، 40 سالہ ارشد اور 18 سالہ حمزہ کے نام سے کی گئی۔
ریسکیو حکام کا کہنا ہے زخمیوں میں 3 بھائی بھی شامل بتائے جاتے ہیں تاہم پولیس حادثے کی مزید تحقیقات کر رہی ہے ۔