چیئرمین پاکستان کرکٹ بورڈ (پی سی بی) محسن نقوی نے آئی سی سی چیمپئینز ٹرافی سے متعلق ہونے والے اہم اجلاس سے قبل اعلیٰ حکام سے ملاقاتیں کی ہیں۔
ذرائع کا کہنا ہے کہ گزشتہ روز چیئرمین پی سی بی محسن نقوی انٹرنیشنل کرکٹ کونسل کے اہم اجلاس میں شرکت کےلیے دبئی پہنچے، جہاں انہوں نے آئی سی سی ہیڈ کوارٹر میں مصروف دن گزارا۔
چیئرمین پی سی بی محسن نقوی نے دبئی میں آئی سی سی حکام سے ملاقات کرکے چیمپئینز ٹرافی کے حوالے سے پاکستان کا دبنگ مؤقف دہراتے ہوئے واضح کیا کہ ہمیں کوئی ہائبرڈ ماڈل قبول نہیں، اگر اس کے علاوہ کوئی دوسرا آپشن ہے کہ تو سامنے رکھا جائے۔
مزید پڑھیں: چیمپئینز ٹرافی؛ آئی سی سی اجلاس کب ہوگا؟ وقت سامنے آگیا
ذرائع کا کہنا ہے کہ محسن نقوی نے آئی سی سی حکام سے ون آن ون ملاقاتیں کیں، چیئرمین پی سی بی، سی ای او آئی سی سی جیف ایلاڈائز اور دیگر حکام سے ملے تاہم لاہور میں بورڈ حکام چیئرمین کی دبئی روانگی سے لاعلم ہیں۔
ذرائع کا بتانا ہے کہ محسن نقوی نے آئی سی سی حکام کے سامنے دبنگ طریقے سے پاکستان کا مؤقف پیش کیا اور چیمپئینز ٹرافی کے حوالے سے پاکستان کی قانونی پوزیشن بھی رکھی۔
مزید پڑھیں: چمپئینز ٹرافی؛ ہم زخم سہہ لیں گے اپنی بے عزتی نہیں کرائیں گے، محسن نقوی کا آئی سی سی کو دو ٹوک جواب
چیئرمین پی سی بی چیمپئینز ٹرافی کے حوالے سے بورڈ میٹنگ کو ویڈیو لنک پر دبئی سے ہی جوائن کریں گے۔