حیدرآباد؛ کالعدم قوم پرست تنظیم کا دہشت گرد گرفتار، ہینڈ گرینیڈ برآمد
سی ٹی ڈی حیدرآباد اور جامشورو پولیس نے انٹیلی جنس معلومات کی بنیاد پر جامشورو پل کے قریب کارروائی کی
حیدر آباد:
سی ٹی ڈی حیدرآباد نے کارروائی کرتےہوئے کالعدم قوم پرست تنظیم کے اہم دہشت گرد کو گرفتار کرکے ہینڈ گرینیڈ برآمد کرلیا۔
ترجمان سی ٹی ڈی کے مطابق سی ٹی ڈی حیدرآباد اور جامشورو پولیس نے انٹیلی جنس معلومات کی بنیاد پر جامشورو پل کے قریب کارروائی کرتے ہوئے کالعدم قوم پرست تنظیم کے دہشت گرد کو گرفتار کرکے اس سے ہینڈ گرینیڈ برآمد کرلیا۔
گرفتار دہشت گرد کی شناخت راشدعلی ولد محمد سلیمان کلہوڑو کے طور پر ہوئی ہے، جس کا تعلق کالعدم سندھ ریولوشنری آرمی سے ہے۔
سی ٹی ڈی حکام کے مطابق گرفتار دہشت گرد تربیت یافتہ ہے اور دہشت گردی کی کارروائی کیلیے گھوم رہا تھا، گرفتار دہشت گرد کو ہفتہ کے روز انسداد دہشت گردی کی خصوصی عدالت میں پیش کیا جائے گا۔