کراچی: یوآئی ٹی یونیورسٹی میں ’روبومینیا 24‘ ایونٹ کا انعقاد

یو آئی ٹی یورنیورسٹی میں روبومینیا کے نام سے ربوٹکس مقابلوں کا انعقاد کیا گیا۔ جس میں مختلف یورنیورسٹیز کے طلبہ نے روبوٹس کی بہترین پرفارمینس دکھائی۔ ایونٹ میں سو سے زائد ٹیمز نے حصہ لیا۔

ایونٹ میں روبوٹس کے درمیان لائن فلونگ ربوٹس ، روبووار، روبو سوکر اور روبو سومو جیسے زبردست مقابلے کروائے گئے۔ مقابلوں میں کراچی کی دس بڑی جامعات کے طلبہ و طالبات سمیت مختلف کالجز اور اسکولز کے طلبہ نے بھی حصہ لیا۔ مقابلہ جیتنے والے طلبہ میں انعامات بھی تقسیم کئے گئے۔

طلبہ نے بلو ٹوتھ الیکٹرانک ایپ سے چلنے والے ربوٹس کے درمیان مقابلہ کروا کے بتا دیا کے پاکستانی طالب علم بھی ربوٹکس کی دنیا میں کسی سے پیچھے نہیں۔

اس موقع پر وائس چانسلر یو آئی ٹی یورنیورسٹی ڈاکٹر ولی الدین نے طلبا کی کاوشوں کو سراہا اور اپنے خیالات کا اظہار کرتے ہوئے کہا کہ اچھا انجینئر بننے کے لئے لازمی ہے کہ جو کتابوں میں پڑھا جائے اس پرحقیقی دنیا میں بھی عمل کرنا سکھایا جائے تاکہ جب طلبا عملی دنیا میں قدم رکھیں تو انہیں مشکلات کا سامنہ نا کرنا پڑے۔

طلبا نے بھی درس گاہ میں اس طرح کے مقابلوں کے انعقاد کو خوش آئند قرار دیا۔

لائن فولونگ راونڈ میں فاتح روبوٹ بنانے والے طالب علم کا کہنا تھا کہ تعلیمی میدان کے علاوہ اگر حقیقی زندگی میں مواقع ملیں توزندگی کو سہل بنانے والے روبوٹس بھی بنائے جاسکتے ہیں۔

طلبا کا کہنا تھا کہ درس گاہوں میں اس طرح کے مقابلوں کا انعقادخوش آئند ہے ایسی سرگرمیوں سے تعلیمی میدان کے علاوہ حقیقی زندگی میں بھی فائدہ اٹھایا جاسکتا ہے۔