ہیری پوٹر اینڈ دی فلاسفر اسٹون کی کتاب کا پہلا نایاب پہلا ایڈیشن جسے1997 میں صرف 10 یورو میں خریدا گیا تھا حال ہی میں 36,000 یورو میں فروخت ہوئی ہے جس کی پاکستانی کرنسی میں قیمت 1 کروڑ سے بھی زائد بنتی ہے۔
کرسٹین میک کلوچ، جنہوں نے نوے کی دہائی میں اپنے بیٹے ایڈم کے لیے یہ کتاب اسٹریٹ فورڈ میں خریدی تھی، نے کہا کہ انھیں اندازہ نہیں تھا کہ یہ کتاب 30 سال بعد اتنی قیمتی ہو گی۔
ہینسنز آکشنرز کے مطابق یہ کتاب جس کی قیمت 30,000 اور 50,000 یورو کے درمیان ہے، اُن 500 کاپیوں میں سے ایک ہے جو پہلے فلاسفرز اسٹون کی سیریز میں شائع ہوئی تھیں۔
ایڈم میک کلوچ نے بی بی سی کو بتایا کہ یہ کتاب چیسٹر فیلڈ میں ان کے خاندان کے پرانے گھر میں ایک الماری میں رہ گئی تھی۔
ایڈم کو 2020 میں لاک ڈاؤن کے دوران اس ناول کی ممکنہ قدر کے بارے میں اس وقت معلوم ہوا جب انہوں نے پہلے ایڈیشن کے بارے میں دیگر کہانیاں دیکھیں۔