2025، لندن دنیا کا بہترین شہر قرار، نیو یارک دوسرے نمبر پر رہا

کیا چیز کسی شہر کو بہترین بناتی ہے؟ ایک خیال کے مطابق مصروف علاقے، سستے کھانے اور دیگر سہولیات اہم ہوتی ہیں، ایک دوسری رائے میں سرسبز مقامات تک رسائی، مقامی افراد کی خوشی اور سماجی ہم آہنگی جیسے عناصر کسی شہر کو بہترین بناتے ہیں۔

اس ضمن میں دولت، رہائشی سہولیات اور پسندیدگی کی بنیاد پر 2025 کے لیے دنیا کے بہترین شہروں  کی ایک فہرست مرتب کی گئی ہے جسے 30 ممالک کے 22 ہزار افراد کو ایک سروے میں شامل کر کے 100 بہترین شہروں کا انتخاب کیا گیا ہے۔

 نتائج کے مطابق لندن کے بعد دوسرے نمبر پر نیویارک اور تیسرے پر پیرس کو رکھا گیا۔ ٹوکیو اس فہرست میں چوتھے نمبر پر بہترین شہر قرار پایا اور یہ ایشیا کا بہترین شہر رہا۔

سنگاپور، روم اور میڈرڈ بالترتیب 5 ویں، چھٹے اور 7 ویں نمبر پر رہے جن کے بعد بارسلونا 8 واں بہترین شہر قرار پایا۔دبئی کے حصے میں 13 واں نمبر آیا اور اسے مشرق وسطیٰ کا بہترین شہر کا اعزاز حاصل ہوا۔