کراچی کے مختلف علاقوں میں ٹریفک حادثات کے سبب خاتون سمیت 4 افراد جاں بحق جبکہ 2 شدید زخمی ہوگئے۔
تفصیلات کے مطابق کورنگی کوسٹ گارڈ چورنگی کے قریب ٹریفک حادثے میں خاتون جاں بحق ہوگئی جس کی لاش ضابطے کی کارروائی کے لیے جناح اسپتال لیجائی گئی۔
ریسکیو حکام کے مطابق متوفیہ کی شناخت 32 سالہ ثمینہ کے نام سے کی گئی جو کہ راہگیر تھی جبکہ حادثہ نامعلوم تیز رفتار گاڑی کی ٹکر سے پیش آنے کا بتایا جا رہا ہے۔
قائد آباد داؤد چورنگی مل کے قریب ٹریفک حادثے میں موٹر سائیکل سوار 24 سالہ وقاص جاں بحق ہوگیا جس کی لاش جناح اسپتال لیجائی گئی جبکہ حادثہ ٹریلر کی زد میں آنے کے باعث پیش آنے کا بتایا جا رہ ہے۔
کورنگی صنعتی ایریا کے علاقے چمڑا چورنگی مصالحہ جات بنانے کمپنی کے قریب ٹریفک حادثے میں موٹر سائیکل سوار 45 سالہ رافع نامی شخص جاں بحق ہوگیا جس کی لاش چھیپا کے رضا کاروں نے جناح اسپتال پہنچائی۔
ریسکیو حکام کے مطابق حادثہ نامعلوم گاڑی کی ٹکر سے پیش آیا تھا۔ تاہم، پولیس مزید تحقیقات کر رہی ہے۔
دریں اثنا فرئیر ہال کے قریب ٹریفک حادثے میں نوجوان جاں بحق ہوگیا جس کی لاش چھیپا ایمبولینس کے ذریعے جناح اسپتال لیجائی گئی۔
ریسکیو حکام کے مطابق فوری طور پر متوفی کی شناخت نہیں ہو سکی جبکہ اس کی عمر 25 سال کے قریب بتائی جاتی ہے جبکہ پولیس واقعہ کی مزید معلومات حاصل کر رہی ہے ۔
شارع فیصل غیر ملکی فاسٹ فوڈ ریسٹورنٹ کے قریب ٹریفک حادثے میں دو افراد شدید زخمی ہوگئے جنھیں فوری طبی امداد کے لیے جناح اسپتال لیجایا گیا جہاں ان کی شناخت 30 سالہ فرید اور 65 سالہ قریش محمد کے نام سے کی گئی جبکہ ریسکیو حکام کا کہنا ہے کہ حادثہ کار کی ٹریلر سے ٹکر کے باعث پیش آیا تھا جس میں کار کا اگلا حصہ تباہ ہوگیا ۔