غزہ میں 14 ماہ قید کے دوران 33 اسرائیلی یرغمالی ہلاک ہوئے، حماس

فلسطینی مزاحمتی تنظیم حماس نے کہا کہ کہ غزہ میں 14 ماہ سے قید اسرائیلی یرغمالیوں میں سے سے اب تک 33 ہلاک ہوچکے ہیں۔

عرب میڈیا کے مطابق حماس کی جانب سے جاری بیان میں کہا گیا ہے کہ 33 اسرائیلی یرغمالی مختلف واقعات کے دوران ہلاک ہوئے۔ حماس نے یہ نہیں بتایا کہ ہلاک یرغمالیوں میں کتنی دہری شہریت کے حامل تھے۔

واضح رہے ان یرغمالیوں کی رہائی اور زندہ واپسی کے لیے اسرائیلی فوج نے 14 ماہ کے دوران بے شمار حملے کیے تاہم چند لاشیں ہی برآمد اور بمشکل ایک ، دو یرغمالی ہی چھڑوا سکی۔

جو اسرائیلی یرغمالی باضابطہ طور پر رہا ہوئے ہیں وہ حماس کے ساتھ جنگ بندی سے ہی چھڑوائے جا سکے ہیں۔ اسرائیل نے اس سلسلے میں جنگی ہتھیاروں کے علاوہ اپنے تمام جدید اوزار بشمول ڈرون طیاروں اور سیٹلائٹس کا بھی استعمال کیا۔ اپنے اتحادیوں کی بھی ہر ممکن مدد لی لیکن یرغمالیوں کو رہا نہ کرا سکا ہے۔