اولمپیئن صدف صدیقی انٹرنیشنل اولمپک کمیٹی (آئی او سی) کا کوچنگ کورس مکمل کرنے والی آرمی کی پہلی خاتون ایتھلیٹ بن گئیں۔
ایکسپریس نیوز کے مطابق گریجویشن تقریب ہنگری یونیورسٹی میں ہوئی، کورس میں 17 ممالک کے 19 کھلاڑیوں اور آفیشلز نے شرکت کی۔
صدف صدیقی قومی ایونٹس میں پاک فوج کی نماٸندگی کرتی ہیں اور اولمپک گیمز، کامن ویلتھ گیمز، ایشین گیمز، سیف گیمز سمیت دیگر بین الاقوامی کھیلوں کے مقابلوں میں پاکستان کی نمائندگی کرچکی ہیں۔
صدف صدیقی کا کہنا ہے کہ پاکستان اولمپک ایسوسی ایشن (پی او اے) اور آرمی کی بھرپور سپورٹ پر مشکور ہوں، کوچنگ کورس کرنے سے جدید کوچنگ طریقہ کار سیکھنے میں مدد ملی ہے۔ یہاں سے ملنے والی ایجوکیشن کے ذریعے پاکستان ایتھلیٹس کی پرفارمنس کو بہتر بنانے کی کوشش کروں گی۔
مزید پڑھیں: اولمپکس میں کانسی کا تمغہ جیتنے والے ریسلر پر 4 سال کی پابندی عائد
انہوں نے کہا کہ میری خواہش ہے کہ دنیا کے دوسرے ممالک کی طرح پاکستان کے نوجوان ایتھلیٹس بھی میڈلز جیت کر ملک کا نام روشن کریں۔