وکرانت میسی کا شوبز سے وقفہ، حیران کن وجہ سامنے آگئی

بالی ووڈ کے مشہور اداکار وکرانت میسی نے شوبز سے غیر معینہ مدت تک کے لیے وقفہ لینے کا اعلان کیا ہے، جس نے ان کے مداحوں کو حیرت میں ڈال دیا۔

اپنی سپر ہٹ فلم 'بارھویں فیل' کی کامیابی کے بعد، گزشتہ روز وکرانت نے سوشل میڈیا پر پوسٹ کرتے ہوئے کہا: "میں نے اپنی زندگی کے ایک ایسے موڑ پر یہ فیصلہ لیا ہے جہاں مجھے اپنی خاندانی ذمہ داریاں نبھانے کی ضرورت ہے۔ بطور شوہر، والد، اور بیٹا مجھے کچھ وقت اپنے خاندان کے لیے نکالنا ہوگا۔"

ایک قریبی ساتھی اور ہدایتکار نے اداکار کے فیصلے کی وجہ بیان کرتے ہوئے کہا: "وکرانت نے یہ فیصلہ اس خوف کے تحت لیا کہ اگر وہ زیادہ کام کریں گے تو ان کے مداح ان سے بور ہو سکتے ہیں۔ وہ اپنے کیرئیر کے عروج پر یہ بریک لے رہے ہیں تاکہ ان کی واپسی مزید شاندار ہو۔"

وکرانت کے اس فیصلے پر ان کے مداح افسردہ ہونے کے ساتھ ساتھ ان کی سوچ کو سراہ رہے ہیں۔ فلم انڈسٹری کے لیے یہ فیصلہ غیر معمولی اور متاثر کن قرار دیا جا رہا ہے۔