کراچی؛ ابراہیم حیدری میں گھر کی دیوار گرنے سے ایک خاتون جاں بحق دوسری زخمی
متوفیہ کی شناخت 55 سالہ راج بی بی جبکہ زخمی خاتون کی شناخت 50 سالہ آسیہ بی بی کے نام سے کی گئی
ابراہیم حیدری میں جناح میڈیکل کے قریب گھر کی دیوار گرنے سے ملبے تلے دب کر ایک خاتون جاں بحق جبکہ دوسری زخمی ہوگئی۔
ملبے تلے دب کر جاں بحق ہونے والی خاتون کی لاش ایدھی کے رضا کاروں نے ضابطے کی کارروائی کے لیے جناح اسپتال پہنچائی۔
ریسکیو حکام کے مطابق متوفیہ کی شناخت 55 سالہ راج بی بی کے نام سے کی گئی جبکہ زخمی ہونے والی خاتون 50 سالہ آسیہ بی بی کو طبی امداد فراہم کی جا رہی ہے۔
دیوار گرنے کے باعث خواتین کے سروں پر گہری چوٹیں آئیں تھیں تاہم پولیس واقعہ کی مزید تحقیقات کر رہی ہے۔