جنوبی افریقا نے پاکستان کے خلاف ٹی20 سیریز کےلیے متبادل کپتان سمیت اسکواڈ کا اعلان کردیا۔
کرکٹ جنوبی افریقا نے پاکستان کے خلاف سیریز کےلیے 15 رکنی اسکواڈ کا اعلان کرتے ہوئے بتایا کہ کپتان ایڈن مارکرم کی مصروفیات کے باعث ہینرچ کلاسن کو قیادت کے فرائض سونپ دیے گئے ہیں۔
سری لنکا کے خلاف تیسرے ٹیسٹ اور پھر پاکستان کے ساتھ ٹی20 سیریز کے سخت شیڈول کی وجہ سے انہیں آرام کرایا گیا ہے، ان کے علاوہ مارکو جانسن، کیشو مہاراج، کاگیسو ربادا اور ٹرسٹن اسٹبس بھی ٹی20 سیریز سے محروم رہیں گے کیونکہ وہ آئی لینڈرز کے خلاف سیریز کھیل رہے ہیں۔
مزید پڑھیں: شاہین کو ٹیسٹ اسکواڈ میں کیوں جگہ نہیں ملی؟
اہم کھلاڑیوں کی عدم موجودگی کے باوجود افریقی اسکواڈ میں اینریچ نورٹجے اور تبریز شمسی کی صورت بہترین بالنگ اٹیک موجود ہے۔
جنوبی افریقا کا اسکواڈ:
ہینرک کلاسن (کپتان)، اوٹنیل بارٹمین، میتھیو بریٹزکے، ڈونووین فریرا، ریزا ہینڈرکس، پیٹرک کروگر، جارج لِنڈے، کوینا مافاکا، ڈیوڈ ملر، اینریچ نورٹجے، نقابا پیٹر، ریان رکیلٹن، تبریز شمسی، اینڈییلا سمنی، اینڈیل سیمنی اور رائل ڈیر ڈوسن