اپنی خوبصورتی کے لحاظ سے دنیا بھر کے مسافروں کو دل کے موہ لینے اور اپنی سہولیات کے اعتبار سے مسافروں کی اولین پسند بننے کا اعزاز حاصل کرنے والے ایئرپورٹس کی فہرست جاری کردی گئی۔
عالمی خبر رساں ادارے کے مطابق پرکس ورسیلیز کے سالانہ انٹرنیشنل آرکیٹیکچر ایوارڈز کی فہرست میں 400 میں سے پہلے نمبر پر ابوظیبی کا زاید انٹرنیشنل ائیرپورٹ ہے۔
متحدہ عرب امارات کی ریاست ابوظہبی کے زاید انٹرنیشنل ائیرپورٹ کو دنیا کا خوبصورت ترین فضائی اڈہ قرار دیا گیا ہے۔
خوبصورت ترین ایئرپورٹس کی فہرست میں دوسرے نمبر پر میکسیکو کے شہر زومپانگو میں واقع فیلیپی اینجلز انٹرنیشنل ائیرپورٹ کو قرار دیا گیا ہے۔
سنگاپور کا چانگی ائیرپورٹ کا ٹرمینل ٹو تیسرے جب کہ بینکاک کا سوارنا بھومی ائیرپورٹ اور بوسٹن کا لوگن انٹرنیشنل ائیرپورٹ بالترتیب چوتھے اور پانچویں نمبر پر ہیں۔