نائیجیرین گلوکار کے ساتھ نورا فتیحی کے گانے  نے دھوم مچادی

ممبئی: معروف اداکارہ اور ڈانسر نورا فتیحی نے ایک ویڈیو شیئر کی ہے جس میں وہ نائیجیرین فنکار سی کے اے کے ساتھ اپنی ہٹ ٹریک "It’s True" کی ریکارڈنگ کرتے ہوئے نظر آ رہی ہیں۔ 

یہ ویڈیو اس بات کا انکشاف کرتی ہے کہ نورا  نے اس گانے کے لیے ہندی میں آواز دی ہے۔ ان کی یہ تخلیقی ویڈیو سوشل میڈیا پر بہت پسند کی جا رہی ہے، اور یہ گانا دنیا بھر میں اسٹریمنگ پلیٹ فارمز پر کامیاب ہو چکا ہے۔

ویڈیو میں نورا فتیحی کو اسٹوڈیو میں گانے کی ہندی الفاظ گاتے ہوئے دیکھا جا سکتا ہے، جبکہ سی کے اے بھی ان کے ساتھ کام کر رہے ہیں۔ دونوں کے درمیان کیمسٹری اور گانے کے لیے جذبہ واضح طور پر دکھائی دیتا ہے، جس نے مداحوں کو بہت متاثر کیا۔