اسلام آباد:
ایس آئی ایف سی کے تعاون سے زراعت اور زرعی مشینری کی برآمدات میں اضافہ ہوگیا۔
پاکستان نے مشرقی افریقا کو ٹریکٹرز برآمد کر کے تجارتی برآمدات میں اہم سنگ میل عبور کر لیا ہے، حال ہی میں پاکستانی ٹریکٹرز کی ابتدائی کھیپ افریقی ملک تنزانیہ پہنچ گئی۔
پاکستان اور مشرقی افریقا کے درمیان زرعی تجارت میں نئی بلندیوں تک پہنچنے کی حکومتی کوششیں کامیاب ہوگئیں۔
پاکستانی حکام کی کوششوں سے کینیا تنزانیہ کی ’’مسائی ٹریکٹا کمپنی‘‘ تنزانیہ میں پاکستانی زرعی مشینری کے فروغ اور رسائی میں شراکت دار ہے۔
پاک ٹریکٹرز ہاؤس کمپنی سے درآمد کیے گئے پاکستانی ٹریکٹرز کی آمد سے مشرقی افریقا میں برآمدات میں اضافہ ہوا ہے، یہ کامیابی پاکستان کی عالمی تجارتی شراکت داریوں کو بڑھانے کے عزم کی عکاسی کرتی ہے۔
پاکستان کے مینوفیکچرنگ شعبے میں استحکام اور افریقی مارکیٹ میں پاکستان کی مضبوط اقتصادی موجودگی ایس آئی ایف سی کی کاوشوں سے مستقبل میں تجارتی تعلقات اور شراکت داریوں کی راہیں ہموار کرے گی۔