اسرائیل نے اعلان کیا ہے کہ شام میں باغی گروہوں کے داخل ہونے پر اپنی فوج کو بفرزون پر تعینات کر رہے ہیں۔
عالمی خبر رساں ادارے کے مطابق اسرائیلی فوج نے اتوار کے روز کہا ہے کہ اس نے شام کے برابر میں اقوامِ متحدہ کے زیرِ نگرانی بفر زون اور متعدد ضروری مقامات پر فوجی تعینات کر دیئے ہیں۔
اسرائیلی بیان میں مزید کہا گیا ہے کہ اقوام متحدہ کے زیر نگرانی علاقے بفرزون میں اپنی فوج کی تعیناتی کا فیصلہ شام کی تازہ ترین صورت حال کے باعث کیا گیا ہے۔
اسرائیلی فوج کے بقول بفر زون کے تحفظ اور اسرائیل اور اس کے شہریوں کے دفاع کے لیے اہلکاروں کو تعینات کیا گیا ہے۔
یاد رہے کہ شام کے نزدیک بفر زون تقریباً 80 کلومیٹر طویل ہے اور اس کا رقبہ 235 مربع کلومیٹر پر محیط ہے جو کہ گولان کی پہاڑیوں کو شام سے جدا کرتا ہے۔