لاہور؛ علاقہ غیر سے منشیات کی سپلائی لانے والے 4 ملزمان گرفتار، 26 کلوگرام سے زائد منشیات برآمد

لاری اڈہ پولیس نے کارروائی کرتے ہوئے علاقہ غیر سے منشیات کی سپلائی لانے والے 4 ملزمان کو گرفتار کر کے ان کے قبضے سے 26 کلوگرام سے زائد منشیات برآمد کر لیں۔

پولیس کے مطابق گرفتار ملزمان کے قبضہ سے لاکھوں روپے مالیت کی 26 کلو 900 گرام منشیات برآمد کی گئیں ملزمان نوید اور بشارت سے 11 کلو 800 گرام چرس جبکہ تنویر اور عامر سے 9 کلو 600 گرام افیون برآمد کی گئی۔

ایس پی سٹی کا کہنا ہے کہ ملزمان لاہور سمیت پنجاب کے دیگر شہروں میں منشیات فروخت کرتے تھے اور سپلائی کے لیے پیدل اور کار کا استعمال کرتے تھے ان کے زیر استعمال گاڑی کو بھی پولیس نے تحویل میں لے لیا جبکہ ملزمان کے خلاف مقدمات درج کر کے تحقیقات کا آغاز کر دیا گیا ہے۔

ایس پی سٹی کیپٹن ریٹائرڈ قاضی علی رضا نے انسداد منشیات فروشی کے خلاف بڑی کارروائی پر لاری اڈہ پولیس کی ٹیم کو شاباش دیتے ہوئے کہا کہ حکومت پنجاب کے احکامات پر منشیات سے پاک شہر کے لیے پر عزم ہیں۔