دبئی میں کھیلے گئے انڈر 19 ایشیا کپ کے فائنل میں بنگلہ دیش نے بھارت کو 59 رنز سے شکست دے کر ٹائٹل اپنے نام کر لیا۔
انڈر 19 ایشیا کپ کے فائنل معرکے میں بنگلہ دیش نے پہلے بیٹنگ کرتے ہوئے 49.1 اورز میں 198 رنز بنائے جبکہ رزان ہوسن 47 رنز کی اننگ کھیل کر نمایاں رہے، ہدف کے تعاقب میں بھارتی ٹیم 35.2 اووز میں 139 رنز بنائے اور فائنل میچ میں بھارت کو 59 رنز سے شکست کا سامنا کرنا پڑا۔
انڈر 19 ایشیا کپ کے فائنل میچ میں بھارت کی جانب سے کپتان محمد امان 26 رنز کے ساتھ نمایاں رہے جبکہ بنگلہ دیش کی جانب سے اقبال حسین اور عزیزالحکم نے تین، تین وکٹیں حاصل کیں۔
یاد رہے کہ بھارت کی قومی ٹیم کو آج ایڈیلیڈ ٹیسٹ میں آسٹریلیا کے ہاتھوں بھی 10 وکٹوں سے عبرتناک شکست کا سامنا کرنا پڑا ہے۔