جاتی امرا کے باہر پھینکے جانے والے مشکوک پارسل کا ڈراپ سین، پیکٹ سے کھلونا برآمد
سنہرے رنگ کا پیکٹ پھینکنے والے کار سوار کو ٹریس کیا جارہا ہے، پولیس
رائے ونڈ: مسلم لیگ (ن) کے صدر اور وزیراعلیٰ پنجاب مریم نواز کی رہائش گاہ جاتی امرا کے عقب سے مشکوک ٹائم ڈیوائس برآمد ہونے کا ڈراپ سین ہوگیا۔
ایکسپریس نیوز کے مطابق جاتی امراء کے سامنے سے ٹائم ڈیوائس آلہ برآمد ہوا۔ پولیس ذرائع کے مطابق نامعلوم افراد شیر نما مجسمہ ٹائم ڈیوائس کے ہمراہ پھینک کر فرار ہوگئے تھے۔
واقعے کی اطلاع ملتے ہی پولیس کی بھاری نفری موقع پر پہنچی جبکہ بی ڈی ایس کو بھی طلب کرلیا۔
پولیس نے کسی بھی ممکنہ خطرے کے پیش نظر جاتی امراء جانے والی سڑک کو عام ٹریفک کے لیے بند کردیا تھا۔
بعد ازاں بم ڈسپوزل اسکواڈ نے مشکوک پارسل کو کلئیر قرار دیا اور پولیس نے بتایا کہ مشکوک پارسل سے کھلونا برآمد ہوا ہے۔
پولیس کے مطابق کار ٹریک کر کے ڈرائیور سے تفتیش کے بعد صورتحال واضح ہوگی۔