کراچی، پولیس چیف کی درخواست پر ڈسٹرکٹ سینٹرل میں دو روز کیلیے دفعہ 144 کا نفاذ

کمشنر کراچی سید حسن نقوی نے کراچی پولیس چیف جاوید عالم اوڈھو کی درخواست پر ڈسٹرکٹ سینٹرل میں دو روز کے لیے دفعہ 144 نافذ کرنے کا نوٹیفکیشن جاری کر دیا ہے۔

اس فیصلے کے تحت آج بروز منگل 10 دسمبر کی رات 12 بجے سے اگلے دو دن تک تک ڈسٹرکٹ سینٹرل میں موٹر سائیکل کی ڈبل سواری، مظاہروں، جلسوں، جلوسوں اور ریلیوں پر پابندی عائد ہوگی۔

نوٹیفکیشن میں کہا گیا ہے کہ اس دوران، 4 یا زائد افراد کے اجتماع کی اجازت بھی نہیں ہو گی۔ یہ اقدامات امن و امان کی صورتحال کو برقرار رکھنے کے لیے اٹھائے گئے ہیں، کیونکہ شرپسند عناصر کے ذریعے علاقے میں حالات خراب ہونے کا خدشہ ظاہر کیا گیا ہے۔

اس حوالے سے ایس ایچ اوز کو ہدایت کی گئی ہے کہ وہ قانون کی خلاف ورزی کرنے والوں کے خلاف فوری کارروائی کریں۔

کراچی پولیس نے شہریوں سے اپیل کی ہے کہ وہ اس حکم کی تعمیل کریں تاکہ شہر میں امن و امان برقرار رکھا جا سکے۔