میرا قصور تھوڑی ہے، بلیک میں ٹکٹس کی فروخت کے الزام پر دلجیت دوسانجھ کا ردعمل

جلد ہی کرن اوجلا اور اے پی ڈھلن کے ساتھ اپنے کنسرٹس کے حوالے سے انہوں نے کہا کہ ’ہم تینوں نے مل کر ایک ٹور شروع کیا ہے۔ انہیں میری نیک تمنائیں ہیں۔ فنکار کا کہنا تھا کہ اب دنیا میں انڈیپینڈنٹ میوزک کا دور شروع ہو چکا ہے، اور انقلاب کے ساتھ مشکلات تو آتی ہیں، مگر ہم اپنا کام کرتے رہیں گے۔‘

دلجیت نے مزید کہا کہ انڈیپینڈنٹ گلوکاروں کو دوگنی محنت کرنا ہوگی کیونکہ بھارتی میوزک کے لیے یہ سنہری دور ہے۔ ان کے مطابق پہلے غیرملکی فنکاروں کے کنسرٹس کی ٹکٹیں بلیک میں لاکھوں میں فروخت ہوتی تھیں۔ اب بھارتی فنکاروں کے کنسرٹس کے ٹکٹ بھی بلیک میں فروخت ہو رہے ہیں، جسے 'ووکَل فار لوکل' کہتے ہیں اور یہ بھارتی فنکاروں کیلئے ایک بڑی کامیابی ہے۔‘

یاد رہے کہ دلجیت بھارت کے عالمی شہرت یافتہ پنجابی گلوکار ہیں جو دنیا بھر میں ان دنوں کنسرٹس کر رہے ہیں پاکستانی اداکارہ ہانیہ عامر بھی حال ہی میں گلوکار کے کنسرٹ میں شریک ہوئی تھیں جس کی ویڈیوز سوشل میڈیا پر وائرل ہوگئی تھیں۔