کراچی:
کورنگی صنعتی ایریا پولیس نے خفیہ اطلاع پر کارروائی کرتے ہوئے ریاست مخالف نعرے لگانے والے 4 ملزمان کو گرفتار کرلیا۔
گرفتار ملزمان کی شناخت محمد کامران، فہد، عمیر علی اور محمد بخش کے ناموں سے کی گئی۔
گرفتار ملزمان نے یکم دسمبر کو ثقافتی دن کے موقع پرساحل کے قریب ریاست مخالف نعرے لگائے تھے اور ویڈیو سوشل میڈیا پر وائرل کی تھی۔
سماجی حلقوں میں وائرل ویڈیو کی وجہ سے شدید غم و غصہ پایا جا رہا تھا۔
پولیس کا کہنا ہے کہ گرفتار ملزمان کے خلاف مقدمہ درج کرکے تفتیش شروع کردی گئی ہے۔