امریکی کمپنی نے سب سے بڑا ڈرون شو کرکے عالمی ریکارڈ قائم کرلیا

امریکا میں ایک ڈرون کمپنی نے کرسمس سے قبل ریاست ٹیکساس کے ایک میدان پر 5000 ڈرونز اڑا کر عالمی ریکارڈ قائم کرلیا ہے۔
 

سب سے بڑے ڈرون شوز میں سے ایک کی ویڈیو نے پوسٹ ہونے کے بعد سوشل میڈیا صارفین کے دل موہ لیے ہیں۔ اسکائی ایلیمنٹس نے 2,500 ڈرون اڑانے کا اپنا ہی سابق ریکارڈ توڑ دیا جو ایک ہفتہ قبل قائم کیا گیا تھا۔

سابق ریکارڈ کمپنی کا 11 واں گنیز ورلڈ ریکارڈ تھا۔ تاہم حالیہ ریکارڈ کیلئے کمپنی نے حیرت انگیز ڈرون لائٹ شو کیلئے UVify  کے ساتھ مل کر کام کیا جس میں سانتا کلاز کو دو بڑے قطبی ہرن کے ذریعے ہوا میں سوار دکھایا گیا۔