دشمن پگھلے بغیر نہیں رہ سکتے؛ پرفیوم لانچنگ پر ٹرمپ کی جوبائیڈن کی اہلیہ کیساتھ تصویر

نومنتخب امریکی صدر ڈونلڈ ٹرمپ نے ایک پرفیوم لانچنگ کردیا جس کے لیے انھوں نے صدر جوبائیڈن کی اہلیہ کے ساتھ اپنی ایک تصویر کو استعمال کیا ہے۔

عالمی خبر رساں ادارے کے مطابق ڈونلڈ ٹرمپ نے فائٹ، فائٹ، فائٹ کے نام سے پرفیوم کی ایک سیریز لانچ کی ہے۔

پرفیوم کی یہ رینج خواتین اور مردوں کے لیے ہے۔ ایک پرفیوم کی قیمت 199 ڈالرز یعنی پاکستانی 55 ہزار روپے سے زائد ہوگی۔ اس پرفیوم کی مارکیٹنگ دھوم دھام سے جاری ہے۔

پرفیوم کی سوشل میڈیا پر لانچنگ کے دوران ایک تصویر نے سب کی توجہ حاصل کرلی ہے۔ جس میں ڈونلڈ ٹرمپ امریکی خاتون اوّل کے ہمراہ بیٹھے ہیں۔

تصویر میں دیکھا جا سکتا ہے کہ ٹرمپ کے سخت حریف صدر جوبائیڈن کی اہلیہ جَل بائیڈن ٹرمپ کی جانب دیکھ رہی ہیں۔

اس تصویر کے ساتھ کیپشن Enemies Can't Resisst لکھا گیا ہے وہ بھی کافی دلچسپ ہے یعنی دشمن بھی پگھلے بغیر نہیں رہ سکتے۔

اس حوالے سے امریکی صدر جوبائیڈن، ان کی اہلیہ جل بائیڈن یا پارٹی ڈیموکریٹ کی جانب سے کوئی ردعمل سامنے آیا ہے۔

جوبائیڈن کے حامیوں کا کہنا ہے کہ ڈونلڈ ٹرمپ کی ٹیم نے یہ تصویر سوشل میڈیا پر شرارتاً استعمال کی ہے جس سے یقینی طور پر ٹرمپ باخبر بھی ہوں گے۔

تاہم پرفیوم اور ان کے ڈبوں پر اور پوسٹرز پر یہ تصویر استعمال نہیں کی گئی۔

یاد رہے کہ ڈونلڈ ٹرمپ نے اس سے قبل جوتے کے برانڈز بھی متعارف کرائے تھے جس کے ایک جوڑے کی قیمت 1 لاکھ 11 ہزار 423 روپے تھی۔