دیپیکا اور رنویر کی بیٹی دعا کے لیے نانی کا محبت بھرا قدم

بالی ووڈ کے معروف اداکار رنویر سنگھ اور اداکارہ دیپیکا پڈوکون کی بیٹی دعا 8 دسمبر کو 3 ماہ کی ہو گئی۔ اس موقع پر رنویر کی والدہ انجو بھاؤنانی نے ایک منفرد قدم اٹھاتے ہوئے اپنے بال عطیہ کر دیے۔

انجو بھاؤنانی نے اپنی انسٹاگرام اسٹوری پر تصاویر شیئر کیں، جن میں انہیں اپنے عطیہ کیے گئے بالوں کے ساتھ پوز دیتے ہوئے اور اپنا نیا ہیئر اسٹائل دکھاتے ہوئے دیکھا جا سکتا ہے۔

انہوں نے لکھا: "میری پیاری دعا آج 3 ماہ کی ہو گئی ہے، اور میں اس دن کو محبت اور امید کے پیغام کے ساتھ منا رہی ہوں۔"

انجو نے مزید کہا کہ وہ دعا کے بڑھنے کی خوشی میں اس دن کو نیکی اور مہربانی کی طاقت کے ذریعے یادگار بنانا چاہتی ہیں۔ انہوں نے امید ظاہر کی کہ بال عطیہ کرنے کا یہ عمل کسی ضرورت مند شخص کی زندگی میں سکون اور اعتماد کا ذریعہ بنے گا۔

رنویر سنگھ اور دیپیکا پڈوکون کی بیٹی کا نام دعا 2024 کے آغاز میں رکھا گیا تھا، جس کے بعد یہ جوڑا اپنے مداحوں کے درمیان مزید مقبول ہو گیا ہے۔