ایک نئی تحقیق سے پتہ چلتا ہے کہ فضائی آلودگی کی طویل مدتی نمائش سے دل تک خون لے جانے والی رگوں میں خون کے جمنے کا خطرہ بڑھ جاتا ہے جس کے نتیجے میں موت سمیت سنگین پیچیدگیاں پیدا ہو سکتی ہیں۔
حالیہ امریکی تحقیق جس میں فضائی آلودگی کی تین اقسام شامل کی گئی ہیں، جرنل بلڈ میں شائع ہوئی ہے۔
تحقیق کے مطابق فضائی آلودگی کی نمائش سوزش کا باعث بن سکتی ہے اور خون کے جمنے میں حصہ ڈال سکتی ہے۔ یہ طویل عرصے سے قلبی اور سانس کی بیماریوں سے منسلک ہے۔ پہلے کی تحقیق میں بھی آلودگی کا تعلق وینز تھرومبو ایمبولزم (وی ٹی ای) سے پایا گیا تھا۔
تقریباً 900,000 تک امریکی سالانہ وی ٹی ای کا شکار ہوتے ہیں جبکہ فضائی آلودگی کے علاوہ عمر، سرجری، غیرفعالیت کی طویل مدت، دل کی بیماری، حمل اور جینیات بھی اس مرض کے خطرے کو بڑھا سکتے ہیں۔
وینز تھرومبو ایمبولزم اس وقت ہوتا ہے جب ٹانگوں، بازوؤں یا کسی اندرونی عضو کی رگ میں خون کا لوتھڑا بن جاتا ہے۔ پلمونری ایمبولزم اس وقت ہوتا ہے جب یہ خون کو لوتھڑا ایسی رگ میں چلا جاتا ہے جو پھیپھڑوں تک جاتی ہے۔