دوسرا ٹی ٹوئنٹی: جنوبی افریقا نے پاکستان کو شکست دے کر سیریز جیت لی

جنوبی افریقا نے پاکستان کو دوسرے ٹی ٹوئنٹی میں ریزا ہنڈرکس کی شاندار سینچری کی بدولت 7 وکٹوں سے شکست دے کر 0-2 سے سیریز جیت لی۔

سینچورین میں کھیلے گئے میچ میں جنوبی افریقا نے ریزا ہینڈرکس اور وین ڈر ڈوسین کے درمیان 157 رنز کی شاندار شراکت کی بدولت 207 رنز کا ہدف میں 3 وکٹوں کے نقصان پر 20 ویں اوور میں حاصل کیا۔

ریزا ہنڈرکس نے 10چھکوں اور 7 چوکوں کی مدد سے 117 رنز کی شاندار اننگ کھیلی۔

ریزا ہنڈرکس 66 اور کپتان اینرک کلاسن 8 رنز بنا کر ناٹ آؤٹ رہے۔

پاکستان کی جانب سے جہانداد خان نے 2 اور عباس آفریدی نے 1 وکٹ حاصل کی۔

اس سے قبل پاکستان نے ٹاس جیت کر پہلے بیٹنگ کرتے ہوئے 5 وکٹوں کے نقصان پر مقررہ اوورز میں 206 رنز اسکور کیے۔

پاکستان کی جانب سے صائم ایوب نے 5 چھکوں اور 11 چوکوں کی مدد سے 98 رنز کی شاندار ناٹ آؤٹ اننگ کھیلی۔

دیگر بیٹرز میں بابر اعظم 31، عرفان خان 30، محمد رضوان 11، طیب طاہر 6 اور عثمان خان 3 رنز بنا کر آؤٹ ہوئے۔

عباس آفریدی 11 رنز بنا کر ناٹ آؤٹ پویلین لوٹے۔

پروٹیز کی جانب سے ڈیبیوٹنٹ ڈایان گیلیم اور اوٹنیل بارٹمین نے 2، 2 جبکہ جارج لِنڈا نے 1 کھلاڑی کو آؤٹ کیا۔