فیصل قریشی سے شادی کیسے ہوئی، ثناء کے حیران کن انکشافات

پاکستانی اداکار فیصل قریشی کی اہلیہ ثنا فیصل نے اپنی نجی زندگی کے بارے میں اہم انکشافات کیے ہیں۔

حالیہ پوڈکاسٹ میں بات کرتے ہوئے ثنا نے بتایا کہ فیصل سے ان کی شادی ان کے طلاق یافتہ ہونے کے بعد ہوئی اور یہ ان کی دوسری شادی ہے۔

ثنا نے کہا، "میری اور فیصل کی ملاقات کافی ڈرامائی تھی، اس پر ایک مکمل ڈرامہ بنایا جا سکتا ہے۔" 

انہوں نے مزید بتایا کہ "طلاق کے بعد دوران عدت ہی فیصل کا رشتہ آیا، جس پر خالہ نے ہمیں راضی کر لیا۔ یہ وقت میرے لیے مشکل تھا، مجھ پر الزامات لگائے جا رہے تھے کہ میں نے فیصل قریشی سے شادی کے لیے طلاق لی، لیکن یہ فیصلہ میرے لیے بہترین ثابت ہوا۔"

فیصل قریشی نے بھی اپنی پہلی ملاقات کا ذکر کرتے ہوئے بتایا کہ وہ ثنا سے ایک شادی کے دوران ملے تھے اور ان سے بہانے سے نمبر مانگا تھا لیکن وہ نمبر دینے پر راضی نہ ہوئیں۔ بعد ازاں، جب فیصل کو ثنا کی طلاق کا علم ہوا تو انہوں نے خالہ کے ذریعے دوبارہ بات کی اور شادی کی کوشش کی۔

فیصل نے مزید بتایا کہ ان کی شادی رمضان میں نہایت سادگی سے ہوئی اور وہ صرف ایک جوڑے میں ثنا کو اپنے ساتھ لائے۔

واضح رہے کہ فیصل قریشی کی یہ تیسری شادی ہے اور ان کے ثنا سے دو بچے ہیں: بیٹی آیت اور بیٹا فرمان قریشی۔