سی ٹی ڈی کارروائیوں میں فتنۃ الخوارج کے خطرناک دہشتگرد سمیت 16 گرفتار

سی ٹی ڈی کارروائیوں میں فتنۃ الخوارج کے خطرناک دہشت گرد سمیت 16 کو گرفتار کرلیا گیا۔

ترجمان سی ٹی ڈی کے مطابق دہشت گردی کے خدشات کے پیش نظر کاؤنٹر ٹیررازم ڈیپارٹمنٹ (سی ٹی ڈی) کے پنجاب کے مختلف شہروں میں 118  انٹیلی جنس بیسڈ آپریشنز کیے گئے، جن میں 16 دہشت گردوں کو گرفتار کیا گیا۔

مختلف کارروائیاں لاہور،بہاولپور، منڈی بہاالدین،میانوالی، ٹوبہ ٹیک سنگھ، رحیم یار خان،چنیوٹ،وہاڑی   میں کی گئیں۔

آپریشنز میں   لاہور سے فتنۃ الخوارج کا  ایک خطرناک دہشت گرد  عمر  اسلحہ اور باروی مواد سمیت گرفتار کرلیا گیا، جس کا تعلق شمالی وزیرستان سے  بتایا جاتا ہے۔ دہشت گردوں سے دھماکا خیز مواد، آئی ای ڈی بم، ڈیٹونیٹر، حفاظتی فیوز، تار، پمفلٹ، نقدی ار دیگر اشیا بھی برآمد کرلی گئیں۔

دہشت گردوں کی شناخت طفیل،صدیق،شبیر الحق، محمد ابراہیم،  عبدالرشید،عمر،صدام حسین، وقار مرتضیٰ،عدنان وغیرہ   کے  نام سے ہوئی۔  حکام کے مطابق دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے   ۔

سی ٹی ڈی حکام کا کہنا ہے کہ 4480 کومبنگ آپریشنز کے دوران431 مشتبہ افراد گرفتار کیے  گئے اور  144842 افراد سے پوچھ گچھ کی گئی ہے ۔ سی ٹی ڈی محفوظ پنجاب کے ہدف پر عمل پیرا دہشت گردی کے ناسور کو جڑ سے اکھاڑ پھینکنے کے لیے پرعزم ہے۔