مشہور پاکستانی اداکارہ سونیا حسین نے حال ہی میں متحدہ عرب امارات میں بالی ووڈ اداکارہ سوناکشی سنہا اور ان کے شوہر ظہیر اقبال سے ملاقات کی ہے۔
یہ ملاقات ایک خصوصی تقریب کے دوران ہوئی جہاں یہ تمام ستارے مہمان خصوصی کی حیثیت سے شریک تھے۔
سونیا حسین نے اپنی انسٹاگرام اسٹوری پر اس ایونٹ کی تصاویر شیئر کی جس میں وہ حال ہی میں رشتہ ازدواج میں بندھنے والی سوناکشی اور ان کے ساتھ ایک ہی ٹیبل پر بیٹھی تھیں جبکہ دوسری تصویر میں وہ اس جوڑی کے ساتھ پوز کر رہی تھیں۔
انسٹا اسٹوری پر تصاویر شیئر کرتے ہوئے سونیا حسین نے سوناکشی کیلئے دعاؤں اور نیک تمناؤں کا اظہار کیا، انہوں نے لکھا ’سونا اور ظہیر، مبارک ہو، آپ دونوں بہت پیارے ہیں، اللہ آپ کی نئی زندگی کو ہمیشہ شادی کا تہوار بنائے رکھے، آمین اور پاکستان کی جانب سے بہت سارا پیار‘۔
سونیا کی جانب سے شیئر کی گئیں یہ تصاویر سوشل میڈیا پر وائرل ہو رہی ہے اور مداحوں کی جانب سے ان تصاویر پر دلچسپ تبصرے کیے جارہے ہیں۔
یاد رہے کہ بھارت اور پاکستان کے فنکاروں کو ایک ساتھ کام کرنے کی اجازت نہیں تاہم یہ جب بھی ایک دوسرے سے ملتے ہیں ایک دوسرے سے محبت کا اظہار کرتے دکھائی دیتے ہیں۔