چئیرمین پی سی بی محسن نقوی نے چئیرمین سعودی عربیہ کرکٹ فیڈریشن کو چیمپئینز ٹرافی ٹورنامنٹ کے میچز دیکھنے کیلئے پاکستان کے دورے کی دعوت دیدی۔
چئیرمین پاکستان کرکٹ بورڈ (پی سی بی) محسن نقوی نے ریاض میں سعودی عربیہ کرکٹ فیڈریشن (ایس اے سی) کے چئیرمین شہزادہ سعود بن مشعل السعود سے ملاقات کی۔ ملاقات میں سعودی عرب میں کرکٹ کے فروغ اور کھلاڑیوں کی ڈویلپمنٹ پر تبادلہ خیال کیا گیا۔
چئیرمین پی سی بی محسن نقوی نے چئیرمین سعودی عربیہ کرکٹ فیڈریشن کو چیمپئینز ٹرافی ٹورنامنٹ کے میچز دیکھنے کیلئے پاکستان کے دورے کی دعوت دی۔
محسن نقوی نے کرکٹ کے فروغ اور اسٹیڈیمز کی تعمیر کے حوالے سے ہر ممکن تعاون کی پیشکش کرتے ہوئے سعودی عرب کے کھلاڑیوں کو تربیت دینے کی بھی پیشکش کی۔ انہوں نے کہا کہ کرکٹ ڈویلپمنٹ کیلئے پلئیرز ایکسچینج پروگرام شروع کیا جاسکتا ہے۔
مزید پڑھیں: چیمپئنز ٹرافی؛ راولپنڈی اسٹیڈیم کے میچز سے محروم ہونے کا امکان
سعودی عرب اپنے ابھرتے ہوئے کھلاڑیوں کو پاکستان بجھوا سکتا ہے اور کرکٹ ڈویلپمنٹ اور اسٹیڈیمز کی تعمیر کے حوالے سے پوری معاونت کریں گے، سعودی عرب ہر پاکستانی کا دوسرا گھر ہے، تعاون پر خوشی ہوگی۔
چیئرمین سعودی عربیہ کرکٹ فیڈریشن نے کہا کہ ہم پلئیرز ڈویلپمنٹ پر کام کررہے ہیں، کرکٹ کے تقریبا 18 ہزار کھلاڑی ہیں۔
سعودی عرب نے ایشین کرکٹ کونسل کا چیلنج کپ بھی جیتا ہے، پاکستان کے ساتھ کرکٹ کے فروغ کیلئے قریبی تعاون کے ساتھ کام کرنا چاہتے ہیں۔