کراچی میں آئندہ 2 روز میں درجہ حرارت میں مزید کمی کا امکان ہے۔
محکمہ موسمیات ارلی وارننگ سینٹر کی پیشگوئی کے مطابق کل کراچی میں معمول سے تیز مشرقی سمت( بلوچستان) کی ہوائیں چل سکتی ہیں۔
محکمہ موسمیات کے مطابق جمعہ اور ہفتے کو شہر میں کم سے کم درجہ حرارت سنگل ڈیجیٹ میں ریکارڈ ہوسکتا ہے۔ زیادہ سے زیادہ درجہ حرارت بھی 2 تا 3 ڈگری گرسکتا ہے۔ صوبے بھر میں سردی کی لہر برقرارہے۔ تھر پارکراور عمرکوٹ میں شدید سردی ریکارڈ ہوسکتی ہے۔
آج کراچی کا کم سے کم درجہ حرارت 12.5 ڈگری سینٹی گریڈ رہا۔ دیہی سندھ میں سب سے کم درجہ حرارت مٹھی میں 3 ڈگری سینٹی گریڈ ریکارڈ ہوا۔