26 نومبر کے 200 لاپتہ لوگوں میں سے اب صرف 54 رہ گئے، وزیراعلیٰ گنڈا پور

علی امین گنڈا پور کی اڈیالہ جیل میں بانی پی ٹی آئی سے ملاقات، وزیراعلیٰ کو 21 دسمبر تک مذاکرات کے آغاز کی امید


ویب ڈیسک December 19, 2024
(فوٹو: فائل)

وزیراعلیٰ علی امین گنڈا پور نے کہا ہے کہ 26 نومبر کو لاپتہ ہونے والے 200 لوگوں میں سے کئی واپس آگئے اور اب تعداد صرف 54 رہ گئی ہے۔

اڈیالہ جیل میں کمرہ عدالت کے باہر صحافیوں سے گفتگو میں وزیراعلیٰ خیبرپختونخوا علی امین گنڈا پور نے کہا کہ 26 نومبر احتجاج کے ہمارے اب صرف 54 لوگ لاپتا ہیں، پہلے 200 تھے جن میں 146 مختلف مقدمات میں جیلوں میں ہیں، اب صرف 54 کی تلاش باقی ہے۔ 

غیر رسمی گفتگو کرتے علی آمین گنڈاپور نے کہا کہ سول نافرمانی کی تحریک پر بانی پی ٹی آئی سے مشاورت ہوئی ہے، شہداء اور زخمیوں کے حوالے سے کابینہ اور صوبائی سطح پر انکوائری کررہے ہیں۔

اُن کا کہنا تھا کہ جو حالات بن گئے ایسے میں پاکستان کے لئے سوچنے پر مجبور ہیں، امید کرتا ہوں سیاسی جماعتیں غور و فکر کرکے کوئی حل نکالیں گی، میری آفیشلز کیساتھ میٹنگز میں گفتگو ہوتی رہتی ہے میں یہ باتیں وہاں بھی کرتا ہوں۔

انہوں نے دعویٰ کیا کہ ہفتہ 21 دسمبر تک دونوں اطراف سے مثبت پیش رفت کی امید ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں