ڈونلڈ ٹرمپ کا نیا ہیئر اسٹائل؛ سوشل میڈیا پر دھوم مچ گئی

امریکا کے نومنتخب صدر ڈونلڈ ٹرمپ ایک بار پھر سوشل میڈیا پر زیر بحث ہیں اور اس بار وجہ پہلے سے کہیں زیادہ دلچسپ اور حیران کن ہے۔

سوشل میڈیا پر وائرل ہونے والی ویڈیوز اور تصاویر میں ڈونلڈ ٹرمپ کچھ بدلے بدلے سے نظر آ رہے ہیں۔ یہ بدلاؤ ان کے بالوں کے انداز کا ہے۔

ڈونلڈ ٹرمپ کے سنہری بالوں کا پرانا اسٹائل بھی کافی مقبول ہوا ہے۔ جو کسی پرندے کے مانند لگتا تھا اور اسے کاپی بھی کیا گیا تھا۔

تاہم اب ڈونلڈ ٹرمپ بالکل نئے ہیئر اسٹائل کے ساتھ نمو دار ہوئے ہیں۔ جس کی تصاویر اور ویڈیوز سوشل میڈیا وائرل ہوگئیں۔

یہ تصاویر اور ویڈیو ان لمحات کی ہیں جب ڈونلڈ ٹرمپ ریاست فلوریڈا کے ویسٹ پام بیچ میں واقع اپنے انٹرنیشنل گالف کلب سے باہر آ رہے تھے۔

سفید ٹی شرٹ، کالی پتلون اور سفید شوز پہنے ڈونلڈ ٹرمپ زرا منفرد نظر آ رہے ہیں۔ ان کے بال قدرے چھوٹے اور سلیقے سے بنے ہوئے ہیں۔

یہ ہیئر اسٹائل بالوں کے اُس انداز سے بہت مختلف ہے جو اب ٹرمپ کا برانڈ چکا تھا۔ ابھی یہ واضح نہیں کہ یہ سب اتفاقیہ ہے یا واقعی ٹرمپ نے ہیئر اسٹائل تبدیل کیا ہے۔